ಮಂಗಳೂರು : ಖ್ಯಾತ ಬಿಲ್ಡರ್ ಕೆ ಮೋಹನ್ ಅಮೀನ್ ಅವರು ಆಗಸ್ಟ್ 6 ರ ಭಾನುವಾರದಂದು ನಗರದ ಬೆಂದೂರಿನಲ್ಲಿ ಅಪಾರ್ಟ್‌ಮೆಂಟ್ ಕಟ್ಟಡದ ಮೇಲಿನಿಂದ ಹಾರಿ ದಾರುಣವಾಗಿ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ.
ಮೋಹನ್ ಅಮೀನ್ ನಗರದಲ್ಲಿ ಅನೇಕ ಅಪಾರ್ಟ್‌ಮೆಂಟ್ ಕಟ್ಟಡಗಳ ನಿರ್ಮಾಣದಲ್ಲಿ ತೊಡಗಿಸಿಕೊಂಡಿದ್ದರು.ಅವರು ಕದ್ರಿಯ ಮಲ್ಲಿಕಟ್ಟೆಯಲ್ಲಿವಿಜಯ ವಾಹಿನಿ ಏಜೆನ್ಸಿಯ ಮಾಲೀಕರಾಗಿದ್ದರು. ಆದರೆ, ಭಾನುವಾರ ಆಘಾತಕಾರಿ ರೀತಿಯಲ್ಲಿ ಕಟ್ಟಡದ ಮೇಲಿಂದ ಜಿಗಿದು ಸಾವನ್ನಪ್ಪಿದ್ದಾರೆ.
ಈ ಆತ್ಮಹತ್ಯೆಗೆ ನಿಖರ ಕಾರಣ ತಿಳಿದುಬಂದಿಲ್ಲ.ಘಟನಾ ಸ್ಥಳಕ್ಕೆ ಕದ್ರಿ ಪೊಲೀಸರು ಆಗಮಿಸಿದ್ದು, ಘಟನೆ ಕುರಿತು ತನಿಖೆ ನಡೆಸುತ್ತಿದ್ದಾರೆ.
ಪೊಲೀಸ್ ಮೂಲಗಳ ಪ್ರಕಾರ, 66 ವರ್ಷ ವಯಸ್ಸಿನ ವ್ಯಕ್ತಿಯೊಬ್ಬರು ನಗರದ ಲೋವರ್ ಬೆಂದೋರ್ ರಸ್ತೆಯಲ್ಲಿರುವ ಲ್ಯಾಂಡ್ ಟ್ರೇಡ್ಸ್ ‘ಅಟ್ಲಾಂಟಿಸ್’ನ 17 ನೇ ಮಹಡಿಯಿಂದ 6 ಆಗಸ್ಟ್ 2023 ರ ಭಾನುವಾರ ಬೆಳಿಗ್ಗೆ 8 ಗಂಟೆ ಸುಮಾರಿಗೆ ಜಿಗಿದು ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ.ಮೃತ ವ್ಯಕ್ತಿ ಮೋಹನ್ ಅಮೀನ್ ವೃತ್ತಿಯಲ್ಲಿ ಬಿಲ್ಡರ್ ಮತ್ತು ಹೂಡಿಕೆದಾರ. ಘಟನಾ ಸ್ಥಳಕ್ಕೆ ಪೊಲೀಸರು ಮತ್ತು ವಿಧಿವಿಜ್ಞಾನ ದಳದ ತಂಡ ಆಗಮಿಸಿದ್ದು, ಹೆಚ್ಚಿನ ತನಿಖೆ ನಡೆಸುತ್ತಿದೆ.
